Jol qaýipsizdigin kúsheitý maqsatynda "Qaýipsiz jol" jedel profilaktikalyq is-sharasy bastaldy, dep habarlaidy Dalanews.kz.
Joldardaǵy apat deńgeiin tómendetý, quqyqbuzýshylyqtardyń aldyn alý jáne jolyn kesý maqsatynda 23-25 qańtar aralyǵynda respýblika aýmaǵynda "Qaýipsiz jol" jedel profilaktikalyq is-sharasy ótedi.
Bul is-sharanyń maqsaty - jol qozǵalysy qaýipsizdigin qamtamasyz etý, quqyqbuzýshylyqtardyń aldyn alý jáne eldegi zańdylyqty nyǵaitý.
"Jolaýshylardy tasymaldaý kezindegi joldardaǵy qaýipsizdikti qamtamasyz etýge, jalǵan nemese memlekettik nómiri joq kólikterdi basqaratyn azamattardy anyqtaýǵa jáne qaýipti júrgizýshilerge basym nazar aýdarylady", - dep eskertti politsiia.
Sonymen qatar, júrgizýshilerdiń jol qozǵalysy erejelerin saqtaýy baqylanady.
