Sınoptıkter 2 aqpanda aýa raıy qandaı bolatynyn aıtty, dep habarlaıdy Dalanews.kz.
Eldiń kóp bóliginde qar jaýyp, boran soǵady, al ońtústik jáne ońtústik-shyǵys óńirlerde jaýyn-shashyn jańbyr men qar túrinde túsedi, keı jerlerde qatty jaýyn-shashyn baıqalady. Tek eldiń ortalyq jáne shyǵys bólikterinde antısıklon jotasynyń yqpalymen jaýyn-shashynsyz aýa raıy kútiledi. Respýblıka boıynsha tuman, jeldiń kúsheıýi, al batys, ońtústik jáne ońtústik-shyǵys óńirlerde kóktaıǵaq qubylystary boljanady.
Soltústik óńirlerde aýa temperatýrasy túnde 12–23 gradýs aıazǵa deıin tómendep, kúndiz 8–18 gradýs aıaz shamasynda bolady. Ortalyq oblystarda aýa temperatýrasy túnde 5–17 gradýs aıazǵa deıin kóterilip, kúndiz 0–10 gradýs aıaz kútiledi. Respýblıkanyń ońtústiginde aýa temperatýrasynyń birtindep joǵarylaýy boljanady: túnde 6 gradýs jyly men 7 gradýs aıaz aralyǵynda, kúndiz 3–13 gradýs jyly bolady. Ońtústik-shyǵysta túngi temperatýra 0–10 gradýs aıazǵa deıin, taýly aýdandarda 12–17 gradýs aıazǵa deıin tómendeıdi, al kúndiz 3–10 gradýs jyly, taýly óńirlerde 3 gradýs aıaz ben 2 gradýs jyly aralyǵynda bolady. Eldiń qalǵan aýmaǵynda aýa temperatýrasy aıtarlyqtaı ózgeris bolmaıdy.
