19 qyrkúiekte Qazaqstannyń barlyq óńirinde World Cleanup Day – Dúniejúzilik tazalyq kúnine arnalǵan aýqymdy ekologiialyq is-sharalar ótedi, dep habarlaidy dalanews.kz.
Is-sharalar «Taza Qazaqstan» jalpyulttyq ekologiialyq bastamasy aiasynda uiymdastyrylady. Oǵan elimizdiń turǵyndary, volonterler, jastar, memlekettik organdardyń, qoǵamdyq uiymdar men kásiporyndardyń ókilderi qatysady.
Bir kún ishinde respýblika boiynsha qoǵamdyq jáne tabiǵi aýmaqtar, sý aidyndarynyń jaǵalaýlary, saiabaqtar men basqa da oryndar qoqystan tazartylady.
World Cleanup Day tek senbilik ótkizýmen shektelmeidi. Bul – qorshaǵan ortaǵa jaýapkershilikpen qaraitynyn jeke isimen kórsetýge jáne týǵan ólkeniń tazalyǵyn saqtaýǵa úles qosýǵa múmkindik beretin halyqaralyq bastama.
Qazaqstan Respýblikasynyń Ekologiia jáne tabiǵi resýrstar ministrligi barsha turǵyndy 19 qyrkúiekte ótetin Dúniejúzilik tazalyq kúnine qatysýǵa shaqyrdy.
