Mańǵystaý oblysy Aqtaý qalalyq sotynyń tóraǵasy sottaldy, dep habarlaidy Dalanews.kz.
Mańǵystaý oblysy Munaily aýdandyq sotynyń úkimimen Aqtaý qalalyq sotynyń tóraǵasy Baýyrjan Shaidýllin 9 jylǵa jáne jeke sot oryndaýshysy R.M. Janahmetov 8 jylǵa bas bostandyǵynan aiyryldy.
Olar sottalýshyny bas bostandyǵynan aiyrýǵa bailanysty emes jaza taǵaiyndaý syltaýymen 18 mln teńge mólsherinde zańsyz syiaqy alý jolymen alaiaqtyq jasaǵany jáne para berýge itermelegeni úshin kináli dep tanyldy.
Qosymsha jaza retinde Shaidýllin men Janahmetov ómir boiy memlekettik qyzmette qyzmet atqarý quqyǵynan aiyryldy.
Sot úkimi zańdy kúshine engen joq.
