Biyldan bastap elimizdegi kópbalaly otbasylarǵa tabysyna qaramastan ai saiyn memlekettik járdemaqy tóleý týraly sheshim qabyldanǵan bolatyn. Járdemaqy bala sanyna qarai beriledi, ár balaǵa shamamen on myń teńge. 4 balaǵa – 42 496 teńge; 5 balaǵa – 53 127 teńge; 6 balaǵa – 63 757 teńge; 7 jáne odan kóp balaǵa – 74 388 teńge.
Osydan keiin segiz-on bala tárbielep otyrǵan analar tarapynan úkimet nege jeti balamen shekteldi degen ýáj aitqan-dy.
– Ótken aida bul máseleni qaradyq, depýtattarmen talqyladyq. Qazir depýttardyń tarapynan sol qabyldanǵan zańǵa ózgerister usynylyp otyr. Biz osy bastamany tolyqtai qoldadyq. Tiisti ózgerister úkimetten shyǵyp, parlament qaraýyna jiberiledi. Osy oraida jobalap aitaiyn, eger 7 balaǵa 74 myń teńge bolsa, endi 8 balaǵa – 85 myń teńge, 9 balaǵa – 96 myń teńge, 15 balaǵa 160 myń teńgedei belgilenedi. Oǵan tiisti qarajatty qarastyrdyq, – dedi Nurymbetov májilis kýlýarynda.
Máselen, ministrdiń aitýynsha, Soltústik Qazaqstan oblysynda kámeletke tolmaǵan 15 balasy bar bir otbasy turady eken.
Ol otbasynda on bes bala bolsa, árine, 74 myń teńge az ekenin alǵa tartty. Buǵan deiin ministr 1-3 balasy bar otbasylarǵa járdemaqy tóleý máselesi ázirge sheshimin tappaǵanyn aitqan edi.
