بيىلدان باستاپ ەلٸمٸزدەگٸ كٶپبالالى وتباسىلارعا تابىسىنا قاراماستان اي سايىن مەملەكەتتٸك جەردەماقى تٶلەۋ تۋرالى شەشٸم قابىلدانعان بولاتىن. جەردەماقى بالا سانىنا قاراي بەرٸلەدٸ, ەر بالاعا شامامەن ون مىڭ تەڭگە. 4 بالاعا – 42 496 تەڭگە; 5 بالاعا – 53 127 تەڭگە; 6 بالاعا – 63 757 تەڭگە; 7 جەنە ودان كٶپ بالاعا – 74 388 تەڭگە.
وسىدان كەيٸن سەگٸز-ون بالا تەربيەلەپ وتىرعان انالار تاراپىنان ٷكٸمەت نەگە جەتٸ بالامەن شەكتەلدٸ دەگەن ۋەج ايتقان-دى.
– ٶتكەن ايدا بۇل مەسەلەنٸ قارادىق, دەپۋتاتتارمەن تالقىلادىق. قازٸر دەپۋتتاردىڭ تاراپىنان سول قابىلدانعان زاڭعا ٶزگەرٸستەر ۇسىنىلىپ وتىر. بٸز وسى باستامانى تولىقتاي قولدادىق. تيٸستٸ ٶزگەرٸستەر ٷكٸمەتتەن شىعىپ, پارلامەنت قاراۋىنا جٸبەرٸلەدٸ. وسى ورايدا جوبالاپ ايتايىن, ەگەر 7 بالاعا 74 مىڭ تەڭگە بولسا, ەندٸ 8 بالاعا – 85 مىڭ تەڭگە, 9 بالاعا – 96 مىڭ تەڭگە, 15 بالاعا 160 مىڭ تەڭگەدەي بەلگٸلەنەدٸ. وعان تيٸستٸ قاراجاتتى قاراستىردىق, – دەدٸ نۇرىمبەتوۆ مەجٸلٸس كۋلۋارىندا.
مەسەلەن, مينيستردٸڭ ايتۋىنشا, سولتٷستٸك قازاقستان وبلىسىندا كەمەلەتكە تولماعان 15 بالاسى بار بٸر وتباسى تۇرادى ەكەن.
ول وتباسىندا ون بەس بالا بولسا, ەرينە, 74 مىڭ تەڭگە از ەكەنٸن العا تارتتى. بۇعان دەيٸن مينيستر 1-3 بالاسى بار وتباسىلارعا جەردەماقى تٶلەۋ مەسەلەسٸ ەزٸرگە شەشٸمٸن تاپپاعانىن ايتقان ەدٸ.
