16 million qazaqstandyqtyń jeke deregi tarap ketken. Tsifrlyq damý, innovatsiialar jáne aeroǵarysh ónerkásibi ministrligi osy jaǵdaiǵa qatysty málimdeme jasady, - dep habarlaidy Dalanews.kz.
16 millionnan asa jazba tarap ketken. Bul kórsetkish el halqynyń basym bóligin qamtidy. Tarap ketken derekterde turǵyndardyń tegi, aty, ákesiniń aty, jynysy, týǵan kúni, JSN, meken jaiy, telefon nómirleri (uialy, úi jáne jumys telefondary), azamattyǵy, ulty jáne basqa málimetter kezdesedi.
Mamandardyń aitýynsha, bul derekter qalai taralǵany ázirge belgisiz. Buryn jariialanǵan málimetterdi jinaqtaý arqyly paida bolýy nemese bul múlde jańa oqiǵa bolýy múmkin. Keibir derekter jabyq Telegram arnalar arqyly satylyp ketýi de ǵajap emes.
Al ministrlik málimetinshe, azamattardyń jeke derekteri tarap ketkeni týraly aqparat tekserilip jatyr.
"Barlyq beiindi vedomstvo men qyzmetter jumyldyryldy. Jan-jaqty tekseris júrgizilip, sonyń ishinde derekterdiń ózektiligi tekserilip jatyr. Bastapqy taldaý jumystary derekterdiń kópshiligi eskirgenin kórsetti", - dedi ministrlik ókili.
