Qazaqstandyq oqýshylardyń ata-analary chattar men áleýmettik jelilerde taraǵan habarlamaǵa alańdaýshylyq bildirdi. Jelidegi aqparatqa súiensek, 15 qyrkúiekten bastap elimizde maska taǵý rejimi engizilip, oqýshylar qashyqtan oqýǵa jiberiledi eken. Bul jalǵan, - dep habarlaidy Dalanews.kz stopfake.kz-ke siltep.
QR Sanitarlyq-epidemiologiialyq baqylaý komiteti bul aqparatqa qatysty pikir bildirdi.
«Messendjerlerde 15 qyrkúiekten bastap balalardy qashyqtan oqytýǵa jiberedi jáne mekemelerde maskamen júrý rejimi engiziledi degen aqparat shyndyqqa janaspaidy.
Jyl saiyn epidemiialyq maýsym kezeńinde profilaktikalyq jáne epidemiiaǵa qarsy is-sharalardy ótkizýdi kózdeitin QR Bas memlekettik sanitariialyq dárigeriniń qaýlysy bekitiledi. Qaýlyǵa sáikes, 15 qyrkúiekten bastap tumaýǵa qarsy vaktsinatsiia júrgizý bastalady. Maska taǵý rejimi tek meditsinalyq uiymdardyń qyzmetkerleri úshin ǵana engiziledi.
Azamattardy resmi aqparat kózderindegi senimdi aqparatqa senýge shaqyramyz», – delingen QR Sanitarlyq-epidemiologiialyq baqylaý komiteti baspasóz qyzmetiniń habarlamasynda.
