قازاقستاندىق وقۋشىلاردىڭ اتا-انالارى چاتتار مەن الەۋمەتتىك جەلىلەردە تاراعان حابارلاماعا الاڭداۋشىلىق ءبىلدىردى. جەلىدەگى اقپاراتقا سۇيەنسەك، 15 قىركۇيەكتەن باستاپ ەلىمىزدە ماسكا تاعۋ رەجيمى ەنگىزىلىپ، وقۋشىلار قاشىقتان وقۋعا جىبەرىلەدى ەكەن. بۇل جالعان، - دەپ حابارلايدى Dalanews.kz stopfake.kz-كە سىلتەپ.
ق ر سانيتارلىق-ەپيدەميولوگيالىق باقىلاۋ كوميتەتى بۇل اقپاراتقا قاتىستى پىكىر ءبىلدىردى.
«مەسسەندجەرلەردە 15 قىركۇيەكتەن باستاپ بالالاردى قاشىقتان وقىتۋعا جىبەرەدى جانە مەكەمەلەردە ماسكامەن ءجۇرۋ رەجيمى ەنگىزىلەدى دەگەن اقپارات شىندىققا جاناسپايدى.
جىل سايىن ەپيدەميالىق ماۋسىم كەزەڭىندە پروفيلاكتيكالىق جانە ەپيدەمياعا قارسى ءىس-شارالاردى وتكىزۋدى كوزدەيتىن ق ر باس مەملەكەتتىك سانيتاريالىق دارىگەرىنىڭ قاۋلىسى بەكىتىلەدى. قاۋلىعا سايكەس، 15 قىركۇيەكتەن باستاپ تۇماۋعا قارسى ۆاكسيناسيا جۇرگىزۋ باستالادى. ماسكا تاعۋ رەجيمى تەك مەديسينالىق ۇيىمداردىڭ قىزمەتكەرلەرى ءۇشىن عانا ەنگىزىلەدى.
ازاماتتاردى رەسمي اقپارات كوزدەرىندەگى سەنىمدى اقپاراتقا سەنۋگە شاقىرامىز»، – دەلىنگەن ق ر سانيتارلىق-ەپيدەميولوگيالىق باقىلاۋ كوميتەتى باسپا ءسوز قىزمەتىنىڭ حابارلاماسىندا.
