Ortalyq kitaphana júiesiniń Chehov atyndaǵy kitaphanasynda Almaty qalasy Mádeniet basqarmasynyń bastyǵy mindetin atqarýshy Aliev Daniiar Abzalidenuly, Almaty q. Medeý aýdandyq Mádeniet bóliminiń bastyǵy Sáken Jabbaruly Aralbaev t.b. mekemeler men uiymdar ókilderiniń qatysýymen merekege orai saltanatty jiyn bolyp ótti.
Bul mereke biyl toǵyzynshy ret atalyp ótti.
Kitaphanashylar qaýymynyń únemi túrli is-sharalar ótkizip, memlekettik baǵdarlamalardy jáne asa mańyzdy áleýmettik-saiasi, mádeni jobalardy nasihattaýmen júieli túrde ainalysyp kele jatqanyn, Elbasy jariialaǵan Rýhani jańǵyrý jáne Týǵan jer baǵdarlamalary aiasynda oqyrmandarmen tabysty túrde jumys istep júrgenin Mádeniet basqarmasy atynan Daniiar Abzalidenuly atap ótti. «Kitaphanalar júiesi bizdiń basqarmamyzben turaqty qatynas jasap, únemi qalamyzda ótkizilip júrgen qandai da bolsyn saiasi-mádeni is-sharalardyń basy-qasynda júredi, olardyń mádeniet oshaǵy dep atalýy beker emes», – dei kele, Mádeniet basqarmasynyń basshysy kitaphanashylar ujymyn maqtaý gramotalarymen marapattady.
Medeý aýdany ákimdiginiń Mádeniet bólimi basshysy Sáken Jabbaruly kitaphanashylardy kásibi merekesimen shyn júrekten quttyqtai otyryp, kitaphana júiesiniń bastyǵy Qabieva Roza Qasymbekqyzy men Medeý aýdanyndaǵy № 32 kitaphana meńgerýshisi Baimahanbetova Aisha Baimahanbetqyzy qalamyzdyń áleýmettik-saiasi jáne mádeni ómirine erekshe eńbek sińirip júrgenin atap kórsetti. «Máselen, biylǵy jyly qalamyzda qazaqtyń uly aqyny Abai atyndaǵy dańǵyl, Tóle bi kóshesi, Dostyq dańǵyly kóshelerine arnalǵan merekeler, sonymen qatar Konstitýtsiia kúni, «Almaty – oqyrman qala», «Kitapfest» merekeleri joǵary deńgeide uiymdastyrylyp, ótkizildi». Bul oraida aýdan basshysy Erjan Jumatuly Jylqybaev kitaphanashylardyń orasan zor eńbegine joǵary baǵa bergenin atap ótip, mádeni is-sharalarda belsendilik tanytyp, erekshe kózge kóringen kitaphana qyzmetkerlerin aýdan ákimdiginiń alǵys hattarymen marapattady.
Kitaphanashylar óz eńbekteriniń elenip, osyndai zor qurmetke ie bolyp otyrǵanyn, óz mamandyqtaryn maqtanysh tutyp, jas kitaphanashylardyń marapat alǵany olarǵa jiger, rýh beretinine senimimiz mol.
Qýanysh BAQYT
