14 qańtarda Qazaqstan aýmaǵynyń basym bóliginde aýa raiyna antitsiklon áser etedi. Osyǵan bailanysty eldiń kóp óńirinde jaýyn-shashynsyz, aiazdy aýa raiy kútiledi, dep habarlaidy Dalanews.kz.
Sinoptikterdiń boljamynsha, respýblikanyń soltústigi, shyǵysy jáne ortalyǵy atmosferalyq fronttardyń yqpalynda qalady. Bul óńirlerde qar jaýyp, boran soǵýy, joldarda kóktaiǵaq bolýy múmkin. Kei jerlerde tuman túsip, jel kúsheiedi. Ońtústik pen batys aimaqtarda jaýyn-shashyn az bolyp, aýa raiy salystyrmaly túrde turaqty bolady.
14 qańtarda respýblika boiynsha aýa temperatýrasy mynadai bolady:
Batysta túnde 6–12° aiaz, kúndiz 2° aiaz – 6° jylymyq;
Soltústik-batysta túnde 10–18° aiaz, kúndiz 5–10° aiaz;
Soltústikte túnde 15–25° aiaz, kúndiz 8–15° aiaz;
Ortalyqta túnde 12–20° aiaz, kúndiz 6–12° aiaz;
Shyǵysta túnde 18–30° aiaz, kúndiz 10–18° aiaz;
Ońtústikte túnde 3° aiaz – 3° jylymyq, kúndiz 5–12° jylymyq;
Ońtústik-shyǵysta túnde 5–10° aiaz, taýly aimaqtarda 15–22° aiaz, kúndiz 2–8° jylymyq, taýly óńirlerde 3–8° aiaz kútiledi.
Sinoptikter aýa raiynyń qubylmaly bolýyna bailanysty jolǵa shyǵatyn azamattardy saqtyq sharalaryn qatań saqtaýǵa shaqyrady.
