Áleýmettik jeli men BAQ-ta 14 jastaǵy qyzǵa tiisti degen kúdikpen dombyra úiirmesiniń muǵalimi qamaldy degen aqparat tarady, dep habarlaidy Dalanews.kz.
"Informbiýro 31" málimetinshe, Almaty oblysynda 14 jastaǵy qyzben jynystyq qatynasqa tústi degen kúdikpen dombyra úiirmesiniń ustazy qamalǵan.
"Ekeýi qonaqúige baryp, bólmege birge kirgeni bastan-aiaq baqylaý kamerasyna jazylǵan. Sol sátte politseiler kelip, 33 jastaǵy er adamnyń qolyna kisen salady. Al qonaqúidiń qojaiyny bul oqiǵanyń qasaqana uiymdastyrylǵanyn aitady. Sebebi kámeletke tolmaǵan qyz buǵan deiin de dál osylai ózge azamatqa qastandyq jasaǵan dep otyr", - dep jazylǵan málimette.
Oqiǵanyń bári Ótegen batyr aýylyndaǵy qonaqúide bolǵan.
Almaty oblysy Politsiia departamenti bul is boiynsha tergeý júrgizilip jatqanyn habarlady.
"Politsiia qyzmetkerleri kúdiktini anyqtap, ustap aýdandyq bólimshege jetkizdi. Qazir bolǵan oqiǵanyń barlyq mán-jáiyn jan-jaqty, tolyq ári obektivti anyqtaýǵa baǵyttalǵan tergeý amaldary júrgizilip jatyr", - dep jazylǵan habarlamada.
Almaty oblysy ákimdigi jaǵdaiǵa pikir bildirdi.
"Ile aýdany Ótegen batyr kentindegi "Ý Rozy" qonaqúiinde bolǵan jaǵdai boiynsha oqiǵaǵa qatysqan 14 jastaǵy oqýshy da, muǵalim de Almaty oblysynyń turǵyndary emes", - dep jazylǵan habarlamada.
