Abaı oblysy Úrjar aýdanynyń prokýratýrasy memleket paıdasyna óndirip alý týraly sot sheshimin qasaqana oryndamaý deregin anyqtady,- dep habarlaıdy Dalanews.kz
"Aýdan turǵyny sottyń 61 mıllıon teńge kólemindegi qaryzdy óteý týraly sheshimin oryndaýdan jaltarý maqsatynda, jalpy quny 12,5 mıllıon teńge bolatyn turǵyn úıi men aýyl sharýashylyǵy tehnıkasyn basqa tulǵalarǵa rásimdegen", — delingen Abaı oblysynyń prokýratýrasy habarlamasynda.
Atalǵan mámileler jalǵan sot aktileri negizinde, sot oryndaýshylarynyń qatysýynsyz júzege asyrylǵan. Túsken qarajatty boryshker májbúrli óndirip alý rásimin aınalyp ótip, jeke qajettilikterine jumsaǵan.
Osy derek boıynsha aýdan prokýratýrasy QK 430-babynyń 3-bóligi (sot úkimin, sot sheshimin nemese ózge de sot aktisin ne atqarýshylyq qujatty oryndamaý) boıynsha sotqa deıingi tergeýdi bastady.
Atalǵan baptyń sanksıasy bes jyldan jeti jylǵa deıin bas bostandyǵynan aıyrý jazasyn qarastyrady.
