اباي وبلىسى ءۇرجار اۋدانىنىڭ پروكۋراتۋراسى مەملەكەت پايداسىنا ءوندىرىپ الۋ تۋرالى سوت شەشىمىن قاساقانا ورىنداماۋ دەرەگىن انىقتادى،- دەپ حابارلايدى Dalanews.kz
"اۋدان تۇرعىنى سوتتىڭ 61 ميلليون تەڭگە كولەمىندەگى قارىزدى وتەۋ تۋرالى شەشىمىن ورىنداۋدان جالتارۋ ماقساتىندا، جالپى قۇنى 12،5 ميلليون تەڭگە بولاتىن تۇرعىن ءۇيى مەن اۋىل شارۋاشىلىعى تەحنيكاسىن باسقا تۇلعالارعا راسىمدەگەن"، — دەلىنگەن اباي وبلىسىنىڭ پروكۋراتۋراسى حابارلاماسىندا.
اتالعان مامىلەلەر جالعان سوت اكتىلەرى نەگىزىندە، سوت ورىنداۋشىلارىنىڭ قاتىسۋىنسىز جۇزەگە اسىرىلعان. تۇسكەن قاراجاتتى بورىشكەر ءماجبۇرلى ءوندىرىپ الۋ ءراسىمىن اينالىپ ءوتىپ، جەكە قاجەتتىلىكتەرىنە جۇمساعان.
وسى دەرەك بويىنشا اۋدان پروكۋراتۋراسى قك 430-بابىنىڭ 3-بولىگى (سوت ۇكىمىن، سوت شەشىمىن نەمەسە وزگە دە سوت اكتىسىن نە اتقارۋشىلىق قۇجاتتى ورىنداماۋ) بويىنشا سوتقا دەيىنگى تەرگەۋدى باستادى.
اتالعان باپتىڭ سانكسياسى بەس جىلدان جەتى جىلعا دەيىن باس بوستاندىعىنان ايىرۋ جازاسىن قاراستىرادى.
