Bala quqyqtary jónindegi ýákil Dınara Zákıeva 18 qarashada tańerteń Túrkistan oblysy Jetisaı aýdanynyń Alǵabas aýylynda bolǵan qaıǵyly oqıǵaǵa qatysty málimet berdi, dep habarlaıdy Dalanews.kz.
Jeke úıdegi órt saldarynan 12 adam qaza tapty, olardyń toǵyzy - balalar.
Dınara Zákıevanyń aıtýynsha, úıde eki otbasy bolǵan. Órt shyǵyp, shatyr opyrylyp túsken. Aımaqtyq ýákil men psıhologıalyq qoldaý ortalyǵynyń mamandary oqıǵa ornyna barǵan. Qazir órttiń shyǵý sebepteri men mán-jaıy tekserilip jatyr.
Sonymen qatar, Prezıdenttiń tapsyrmasy boıynsha Túrkistan oblysyndaǵy órtke baılanysty Úkimettik komısıa quryldy.
Eske salaıyq, buǵan deıin Túrkistan oblysyndaǵy tragedıaǵa qatysty jańa derek aıtyldy.
