Almaty qalasy boiynsha Qarjylyq monitoring agenttigi departamenti "Boxy Wealth" qarjy piramidasyn qurý jáne oǵan basshylyq etý faktisi boiynsha tergeýdi aiaqtady, dep habarlaidy Dalanews.kz.
Tergeý málimetinshe, kúdikti bir jyl boiy Almaty aýmaǵynda atalǵan jobanyń qurylymdyq bólimshesin basqarǵan.
Belgili bolǵandai, joba "www.boxywealth.com" internet-resýrsy men messendjerler arqyly jumys istegen. Atap aitqanda, "Kúndelikti tabys" atty chatta aldymen halyq tutynatyn taýarlar týraly aqparat jariialanyp, keiin azamattar investitsiialyq platformaǵa tartylǵan.
Jobaǵa qatysý úshin paidalanýshylarǵa túrli investitsiialyq paketterdiń birin satyp alyp, kún saiyn jarnamalyq materialdardy qaraý usynylǵan. Esesine uiymdastyrýshylar táýligine 5–10 paiyzǵa deiin tabys túsetinin ýáde etken.
Budan bólek, jańa qatysýshylardy tartqandarǵa bonýs tólenetin arnaiy referaldyq júie de iske qosylǵan.
Tergeý barysynda salymshylardan túsken qarajat jeke tulǵalardyń bank shottary arqyly qabyldanyp, keiin P2P operatsiialary arqyly kriptovaliýtaǵa aýdarylǵany anyqtaldy.
Agenttik málimetinshe, salymshylardyń senimine kirý maqsatynda kompaniia resmi tirkelip, keńse ashylǵan, jarnamalyq jumystar júrgizilip, jalǵan tabys kórsetkishteri usynylǵan.
Nátijesinde qarjy piramidasyna 78 adam 110 million teńgeden astam qarajat salǵan.
Qazirgi tańda kúdikti qamaýǵa alyndy. Sot sanktsiiasymen onyń Almaty qalasyndaǵy jer ýchaskesine tyiym salyndy.
Qylmystyq is sotqa joldandy.
QMA azamattardy investitsiialyq jobalarǵa aqsha salmas buryn olardyń zańdylyǵyn muqiiat tekserýge shaqyrdy.
