Sheteldik azamat Qazaqstanda san soǵyp qaldy, - dep habarlaidy Dalanews.kz
IIM málimetinshe, Aqmola oblysynda Bolgariia azamatyn 102 million teńgege aldaǵan qylmystyq toptyń músheleri ustalǵan.
Sheteldik azamat mamyr-maýsym ailarynda internet alaiaqtardyń qurbanyna ainalǵan. Qaskóiler ózderin bank qyzmetkerleri retinde tanystyryp, jábirlenýshini iri kólemdegi aqshany bógde adamdardyń shotyna aýdarýǵa kóndirgen.
Túsken aryz boiynsha politseiler qylmystyq is qozǵap, jedel izdestirý sharalaryn júrgizgen. Nátijesinde qylmystyń eki uiymdastyrýshysy anyqtaldy.
"Olar - Pavlodar oblysynyń turǵyndary. Qylmystyq shemanyń taǵy tórt qatysýshysy belgili boldy. Aldyn ala málimet boiynsha kúdiktilerdiń Kókshetaý qalasy men Qorǵaljyn aýdanyndaǵy osyndai jaittarǵa qatysy bolýy múmkin. Tintý barysynda uialy telefondar, qarajattyń bir bóligi tárkilendi. Barlyq kúdikti ýaqytsha ustaý izoliatoryna qamaldy", - dedi politsiia.
