Qazaqstanda birqatar kásiporyn qyzmetkerlerine jalaqy tólemei otyr, dep habarlaidy Dala news.
Eńbek jáne halyqty áleýmettik qorǵaý ministrliginiń málimetinshe, 2026 jylǵy 1 naýryzdaǵy jaǵdai boiynsha memlekettik eńbek inspektorlary eldegi 102 kásiporynda jalaqy boiynsha bereshek bar ekenin anyqtaǵan. Jalpy 408 qyzmetkerge 284 mln teńgeden astam qaryz jinalǵan.
Sonymen qatar júrgizilgen tekserýler barysynda túrli uiymdarda 1 myńnan astam eńbek quqyǵyn buzý deregi tirkelgen.
Jalaqy qaryzy men eńbek zańnamasyn buzý faktileri anyqtalǵan kásiporyn basshylaryna 707 mindetti nusqama berilip, 89 mln teńgeden astam aiyppul salynǵan.
Qabyldanǵan sharalardyń nátijesinde, onyń ishinde jalaqy bereshegin óteý boiynsha naqty merzimder belgileý arqyly 354 qyzmetkerdiń quqyǵy qorǵalyp, olarǵa 253 mln teńge tólendi.
Ministrlik eńbek zańnamasynyń saqtalýyn baqylaý máselesi erekshe baqylaýda ekenin atap ótti.
2026 jylǵy 1 naýryzǵa deiin eńbek inspektorlary 1125 tekserý júrgizip, onyń barysynda 1228 quqyqbuzýshylyq anyqtalǵan. Onyń ishinde:
•eńbek qatynastary salasynda – 1055,
•eńbek qaýipsizdigi jáne eńbekti qorǵaý boiynsha – 161,
•jumyspen qamtý salasynda – 12.
Qabyldanǵan sharalardyń nátijesinde 11 354 qyzmetkerdiń eńbek quqyqtary qorǵalǵan.
