قازاقستاندا ءبىرقاتار كاسىپورىن قىزمەتكەرلەرىنە جالاقى تولەمەي وتىر، دەپ حابارلايدى Dala news.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، 2026 جىلعى 1 ناۋرىزداعى جاعداي بويىنشا مەملەكەتتىك ەڭبەك ينسپەكتورلارى ەلدەگى 102 كاسىپورىندا جالاقى بويىنشا بەرەشەك بار ەكەنىن انىقتاعان. جالپى 408 قىزمەتكەرگە 284 ملن تەڭگەدەن استام قارىز جينالعان.
سونىمەن قاتار جۇرگىزىلگەن تەكسەرۋلەر بارىسىندا ءتۇرلى ۇيىمداردا 1 مىڭنان استام ەڭبەك قۇقىعىن بۇزۋ دەرەگى تىركەلگەن.
جالاقى قارىزى مەن ەڭبەك زاڭناماسىن بۇزۋ فاكتىلەرى انىقتالعان كاسىپورىن باسشىلارىنا 707 مىندەتتى نۇسقاما بەرىلىپ، 89 ملن تەڭگەدەن استام ايىپپۇل سالىنعان.
قابىلدانعان شارالاردىڭ ناتيجەسىندە، ونىڭ ىشىندە جالاقى بەرەشەگىن وتەۋ بويىنشا ناقتى مەرزىمدەر بەلگىلەۋ ارقىلى 354 قىزمەتكەردىڭ قۇقىعى قورعالىپ، ولارعا 253 ملن تەڭگە تولەندى.
مينيسترلىك ەڭبەك زاڭناماسىنىڭ ساقتالۋىن باقىلاۋ ماسەلەسى ەرەكشە باقىلاۋدا ەكەنىن اتاپ ءوتتى.
2026 جىلعى 1 ناۋرىزعا دەيىن ەڭبەك ينسپەكتورلارى 1125 تەكسەرۋ جۇرگىزىپ، ونىڭ بارىسىندا 1228 قۇقىقبۇزۋشىلىق انىقتالعان. ونىڭ ىشىندە:
•ەڭبەك قاتىناستارى سالاسىندا – 1055،
•ەڭبەك قاۋىپسىزدىگى جانە ەڭبەكتى قورعاۋ بويىنشا – 161،
•جۇمىسپەن قامتۋ سالاسىندا – 12.
قابىلدانعان شارالاردىڭ ناتيجەسىندە 11 354 قىزمەتكەردىڭ ەڭبەك قۇقىقتارى قورعالعان.
