Búgin Qazaqstan Respýblikasy Bas prokýratýrasy men Ishki ister ministrligi Interpolynyń qyzmetkerleri Grýziiadan asa iri mólsherdegi alaiaqtyq jasady degen kúdikpen Qazaqstan Respýblikasynyń azamatyn ekstraditsiialady, dep habarlaidy dalanews.kz.
Ol 2021 jylǵy qańtar men 2022 jylǵy aqpan aralyǵynda Atyraý qalasynda Kiprdan páter satyp alýǵa járdem kórsetemin degen syltaýmen, birneshe aqshalai aýdarym arqyly, Qazaqstan Respýblikasynyń azamatshasynyń 100 million teńgeden astam aqshalai qarajatyn alaiaqtyq jolmen jymqyryp ketken degen kúdikke ilindi.
Qylmys jasaǵannan keiin kúdikti jasyrynyp, osyǵan bailanysty halyqaralyq izdeýge jariialanǵan.
2026 jylǵy maýsymda ol Grýziia aýmaǵynda ustalyp, Qazaqstan Respýblikasy Bas prokýratýrasynyń suraý salýy boiynsha Qazaqstanǵa ekstraditsiialandy.
Qazirgi ýaqytta kúdikti tergeý izoliatoryna qamaýǵa alyndy. Oǵan taǵylyp otyrǵan qylmys úshin múlki tárkilenip, belgili bir laýazymdardy atqarý nemese belgili bir qyzmetpen ainalysý quqyǵynan on jylǵa deiingi merzimge aiyra otyryp, on jylǵa deiingi merzimge bas bostandyǵynan aiyrý jazasy kózdelgen.
