بٷگٸن قازاقستان رەسپۋبليكاسى باس پروكۋراتۋراسى مەن ٸشكٸ ٸستەر مينيسترلٸگٸ ينتەرپولىنىڭ قىزمەتكەرلەرٸ گرۋزييادان اسا ٸرٸ مٶلشەردەگٸ الاياقتىق جاسادى دەگەن كٷدٸكپەن قازاقستان رەسپۋبليكاسىنىڭ ازاماتىن ەكستراديتسييالادى, دەپ حابارلايدى dalanews.kz.
ول 2021 جىلعى قاڭتار مەن 2022 جىلعى اقپان ارالىعىندا اتىراۋ قالاسىندا كيپردان پەتەر ساتىپ الۋعا جەردەم كٶرسەتەمٸن دەگەن سىلتاۋمەن, بٸرنەشە اقشالاي اۋدارىم ارقىلى, قازاقستان رەسپۋبليكاسىنىڭ ازاماتشاسىنىڭ 100 ميلليون تەڭگەدەن استام اقشالاي قاراجاتىن الاياقتىق جولمەن جىمقىرىپ كەتكەن دەگەن كٷدٸككە ٸلٸندٸ.
قىلمىس جاساعاننان كەيٸن كٷدٸكتٸ جاسىرىنىپ, وسىعان بايلانىستى حالىقارالىق ٸزدەۋگە جارييالانعان.
2026 جىلعى ماۋسىمدا ول گرۋزييا اۋماعىندا ۇستالىپ, قازاقستان رەسپۋبليكاسى باس پروكۋراتۋراسىنىڭ سۇراۋ سالۋى بويىنشا قازاقستانعا ەكستراديتسييالاندى.
قازٸرگٸ ۋاقىتتا كٷدٸكتٸ تەرگەۋ يزولياتورىنا قاماۋعا الىندى. وعان تاعىلىپ وتىرعان قىلمىس ٷشٸن مٷلكٸ تەركٸلەنٸپ, بەلگٸلٸ بٸر لاۋازىمداردى اتقارۋ نەمەسە بەلگٸلٸ بٸر قىزمەتپەن اينالىسۋ قۇقىعىنان ون جىلعا دەيٸنگٸ مەرزٸمگە ايىرا وتىرىپ, ون جىلعا دەيٸنگٸ مەرزٸمگە باس بوستاندىعىنان ايىرۋ جازاسى كٶزدەلگەن.
