11 synyp oqýshysy Ásel Abdýrahimova 10 tilde erkin sóileidi. Kishkentaiynan álem tilderin meńgerýge qyzyǵýshylyq tanytqan Ásel orys, frantsýz, aǵylshyn, qytai tilderin áýeli óz betinshe internetten izdenip, úirengen, dep habarlaidy Dalanews.kz
Keiin arnaiy til kýrstaryna qatysyp, ispan, ózbek, italian jáne japon tilderin meńgeredi. Álem elderiniń mádenieti men tiline qyzyqqan Ásel birinshi synypta álem elderiniń astanalaryn jatqa aitatyn boldy, úshinshi synyptan bastap frantsýz tilin úirene bastaidy.
Búginde Ásel tájik (ana tili), ózbek (C1), qazaq (C1), orys (C1), aǵylshyn (C2), frantsýz (C1), qytai (B1), ispan (A2), italian (A2) jáne japon (N4) tilderinde erkin sóileidi. Qytai tili boiynsha halyqaralyq HSK 3 deńgeii (B1) emtihanyn tapsyrýǵa daiyndalyp júr.
«Men jihankez bolýdy, aralaǵan ár eldegi adamdarmen óz tilinde erkin sóilesýdi armandaimyn. Ár til jańa mádenietke jol ashatyn kilt ispettes. Bunymen toqtap qalmaimyn, aldaǵy ýaqytta arab tiline den qoiyp, BUU-nyń alty resmi tilin tolyq meńgergim keledi», - deidi jas poliglot Ásel.
