11 سىنىپ وقۋشىسى اسەل ابدۋراحيموۆا 10 تىلدە ەركىن سويلەيدى. كىشكەنتايىنان الەم تىلدەرىن مەڭگەرۋگە قىزىعۋشىلىق تانىتقان اسەل ورىس، فرانسۋز، اعىلشىن، جۇڭگو تىلدەرىن اۋەلى ءوز بەتىنشە ينتەرنەتتەن ىزدەنىپ، ۇيرەنگەن، دەپ حابارلايدى Dalanews.kz

كەيىن ارنايى ءتىل كۋرستارىنا قاتىسىپ، يسپان، وزبەك، يتاليان جانە جاپون تىلدەرىن مەڭگەرەدى. الەم ەلدەرىنىڭ مادەنيەتى مەن تىلىنە قىزىققان اسەل ءبىرىنشى سىنىپتا الەم ەلدەرىنىڭ استانالارىن جاتقا ايتاتىن بولدى، ءۇشىنشى سىنىپتان باستاپ فرانسۋز ءتىلىن ۇيرەنە باستايدى.

بۇگىندە اسەل تاجىك (انا ءتىلى)، وزبەك (C1)، قازاق (C1)، ورىس (C1)، اعىلشىن (C2)، فرانسۋز (C1)، جۇڭگو (B1)، يسپان (A2)، يتاليان (A2) جانە جاپون (N4) تىلدەرىندە ەركىن سويلەيدى. جۇڭگو ءتىلى بويىنشا حالىقارالىق HSK 3 دەڭگەيى (B1) ەمتيحانىن تاپسىرۋعا دايىندالىپ ءجۇر.

«مەن جيھانكەز بولۋدى، ارالاعان ءار ەلدەگى ادامدارمەن ءوز تىلىندە ەركىن سويلەسۋدى ارماندايمىن. ءار ءتىل جاڭا مادەنيەتكە جول اشاتىن كىلت ىسپەتتەس. بۇنىمەن توقتاپ قالمايمىن، الداعى ۋاقىتتا اراب تىلىنە دەن قويىپ، بۇۇ-نىڭ التى رەسمي ءتىلىن تولىق مەڭگەرگىم كەلەدى»، - دەيدى جاس پوليگلوت اسەل.