10 sotyqqa qajetti jerlerdi memleket menshigine satyp alý máselesi qaralyp jatyr – A.Myrzahmetov
«10 sotyqqa bailanysty, bul máseleni sheshýdiń birden-bir joly búgingi tańda, ásirese, mynaý oblys ortalyqtarynda. Oblys ortalyqtarynyń (ainalasyndaǵy – avt.) jerleriniń barlyǵy deýge bolady, nemese basym kópshiligi ol – aýyl sharýashylyǵy jerleri. Al, endi, aýyl sharýshalyǵy salasyndaǵy jerlerdi memlekettikke (memleket menshigine – avt.) satyp alý ol tek qana bir-aq jaǵdaiy qarastyrylǵan. Eger ol jerde áleýmettik nysan salynatyn bolsa. Aitalyq, aýrýhana nemese mektep degen syqyldy. Al endi, basqa jaǵdaida ony satyp alýǵa bolmaidy. Sondyqtan osy máseleni (10 sotyq jerdi berý – avt.) sheshýdiń birden bir joly sol zańǵa ózgeris engizip, aýyl sharýashylyǵy jerlerdi osy turǵyn úi qurylysyna satyp alý, sondai múmkinshilik engizetin bolsaq, onda bul máseleni jalpy sheshýge úlken sol qolaily jaǵdai jasalar edi», - dedi A.Myrzahmetov. Jýrnalistiń «Siz bul máseleni kóteresiz be?» degen suraǵyna:
«Endi, ol másele qazir qaralyp jatyr. Tek qana sol aýyl sharýshylyǵy salasyndaǵy jerlerdi memlekettiń menshigine satyp alý maqsatynda emes, basqa da... Ol jerlerde eń úlken másele infraqurylym máselesi. Sondyqtan osy infraquyrylym máselesi bar, basqasy bar, keshendi túrde bári qaralyp jatyr. Qorytyndysy boiynsha daiyn bolǵan kezde ol da, men oilaimyn, komissiianyń qaraýyna shyǵarylatyn bolady», - dep atap kórsetti ministr. Aita keteiik, jer komissiiasynyń búgingi otyrysynda óz azamattarymyzǵa jerdi jalǵa berý máselesi talqylandy. Osy másele aiasynda bir qolǵa beriletin jerdiń shekti kólemi, jaiylymdyq jerlerdi jalǵa bermeý jáne taǵy basqa mańyzdy máseleler boiynsha usynystar aityldy. Búginde komissiia shtaby qazaqstandyqtarǵa jerdi jalǵa berý máselesi boiynsha naqty usynystardy ázirlep qoidy. Sonyń negizinde Jer kodeksiniń bir babyna ózgerister engizý kózdelgen. Osyǵan qatysty saiasattanýshy Dos Kóshim de ózi basqaratyn toptyń usynystaryn jariialady. Onyń oiynsha, barlyq aýyldyq okrýgtardan bir-bir adam jer taratyn komissiianyń múshesi bolýy qajet. Al aýdandyq prokýror komissiianyń jumysyn baqylaý otyrýy shart. Otyrys sońynda shý shyqqanyn aita ketken jón.
Arman ASQAROV
Derekkózi: baq.kz
