«10 سوتىققا بايلانىستى، بۇل ماسەلەنى شەشۋدىڭ بىردەن-بىر جولى بۇگىنگى تاڭدا، اسىرەسە، مىناۋ وبلىس ورتالىقتارىندا. وبلىس ورتالىقتارىنىڭ (اينالاسىنداعى – اۆت.) جەرلەرىنىڭ بارلىعى دەۋگە بولادى، نەمەسە باسىم كوپشىلىگى ول – اۋىل شارۋاشىلىعى جەرلەرى. ال، ەندى، اۋىل شارۋشالىعى سالاسىنداعى جەرلەردى مەملەكەتتىككە (مەملەكەت مەنشىگىنە – اۆت.) ساتىپ الۋ ول تەك قانا ءبىر-اق جاعدايى قاراستىرىلعان. ەگەر ول جەردە الەۋمەتتىك نىسان سالىناتىن بولسا. ايتالىق، اۋرۋحانا نەمەسە مەكتەپ دەگەن سىقىلدى. ال ەندى، باسقا جاعدايدا ونى ساتىپ الۋعا بولمايدى. سوندىقتان وسى ماسەلەنى (10 سوتىق جەردى بەرۋ – اۆت.) شەشۋدىڭ بىردەن ءبىر جولى سول زاڭعا وزگەرىس ەنگىزىپ، اۋىل شارۋاشىلىعى جەرلەردى وسى تۇرعىن ءۇي قۇرىلىسىنا ساتىپ الۋ، سونداي مۇمكىنشىلىك ەنگىزەتىن بولساق، وندا بۇل ماسەلەنى جالپى شەشۋگە ۇلكەن سول قولايلى جاعداي جاسالار ەدى»، - دەدى ا.مىرزاحمەتوۆ. ءجۋرناليستىڭ «ءسىز بۇل ماسەلەنى كوتەرەسىز بە؟» دەگەن سۇراعىنا:
«ەندى، ول ماسەلە ءقازىر قارالىپ جاتىر. تەك قانا سول اۋىل شارۋشىلىعى سالاسىنداعى جەرلەردى مەملەكەتتىڭ مەنشىگىنە ساتىپ الۋ ماقساتىندا ەمەس، باسقا دا... ول جەرلەردە ەڭ ۇلكەن ماسەلە ينفراقۇرىلىم ماسەلەسى. سوندىقتان وسى ينفراقۇىرىلىم ماسەلەسى بار، باسقاسى بار، كەشەندى تۇردە ءبارى قارالىپ جاتىر. قورىتىندىسى بويىنشا دايىن بولعان كەزدە ول دا، مەن ويلايمىن، كوميسسيانىڭ قاراۋىنا شىعارىلاتىن بولادى»، - دەپ اتاپ كورسەتتى مينيستر. ايتا كەتەيىك، جەر كوميسسياسىنىڭ بۇگىنگى وتىرىسىندا ءوز ازاماتتارىمىزعا جەردى جالعا بەرۋ ماسەلەسى تالقىلاندى. وسى ماسەلە اياسىندا ءبىر قولعا بەرىلەتىن جەردىڭ شەكتى كولەمى، جايىلىمدىق جەرلەردى جالعا بەرمەۋ جانە تاعى باسقا ماڭىزدى ماسەلەلەر بويىنشا ۇسىنىستار ايتىلدى. بۇگىندە كوميسسيا شتابى قازاقستاندىقتارعا جەردى جالعا بەرۋ ماسەلەسى بويىنشا ناقتى ۇسىنىستاردى ازىرلەپ قويدى. سونىڭ نەگىزىندە جەر كودەكسىنىڭ ءبىر بابىنا وزگەرىستەر ەنگىزۋ كوزدەلگەن. وسىعان قاتىستى ساياساتتانۋشى دوس كوشىم دە ءوزى باسقاراتىن توپتىڭ ۇسىنىستارىن جاريالادى. ونىڭ ويىنشا، بارلىق اۋىلدىق وكرۋگتاردان ءبىر-بىر ادام جەر تاراتىن كوميسسيانىڭ مۇشەسى بولۋى قاجەت. ال اۋداندىق پروكۋرور كوميسسيانىڭ جۇمىسىن باقىلاۋ وتىرۋى شارت. وتىرىس سوڭىندا شۋ شىققانىن ايتا كەتكەن ءجون.
ارمان اسقاروۆ
دەرەككوزى: baq.kz
