10 páteri bar azamattarǵa qosymsha salyq kóbeiedi
Sonymen, elimizde 10 páteri bar adamdarǵa salynatyn qosymsha salyq kólemin kóbeitý máselesi qaralyp jatyr.
«Mysaly, adamda aýdany 50 sharshy metr bolatyn 10 páteri bar deiik. Ol árbir páterine 11 myń teńge salyq tóleidi. Árbir obekt 10 myń teńgeden sanalyp, 10 nysanǵa jalpy 100 myń teńge (salyq) salynady. Endi bizdiń kózqarasymyz barlyq obektini biriktirý bolyp tur. Nysannyń quny joǵary bolsa, salynatyn salyqtyń quny soǵurlym joǵary bolady. Mysaly, biz osy 10 nysannyń barlyǵyn qossaq, onda 100 mln teńge bolady. Tiisinshe, salyq ta joǵary bolmaq. Endi 10 páter úshin jylyna salynatyn salyq 100 myń teńge emes, 400 myń teńgege jýyq, iaǵni salyq 4 ese artady. Negizinen bul – ádiletti», – dedi ministr Úkimettiń baspasóz ortalyǵynda.
Ministr Álibek Qýantyrov qymbat alkogolge de qosymsha salyq salynýy múmkin ekenin atap ótti. Mysaly, 10 jyl saqtalǵan Macallan (viski) 7 mln teńge turady. Onyń aktsizi – 700 teńge. Ony biz 10 ese arttyryp, qunyn shamamen 10%-ǵa kóbeitemiz, – dedi ministr.
