سونىمەن، ەلىمىزدە 10 پاتەرى بار ادامدارعا سالىناتىن قوسىمشا سالىق كولەمىن كوبەيتۋ ماسەلەسى قارالىپ جاتىر.
«مىسالى، ادامدا اۋدانى 50 شارشى مەتر بولاتىن 10 پاتەرى بار دەيىك. ول ءاربىر پاتەرىنە 11 مىڭ تەڭگە سالىق تولەيدى. ءاربىر وبەكت 10 مىڭ تەڭگەدەن سانالىپ، 10 نىسانعا جالپى 100 مىڭ تەڭگە (سالىق) سالىنادى. ەندى ءبىزدىڭ كوزقاراسىمىز بارلىق وبەكتىنى بىرىكتىرۋ بولىپ تۇر. نىساننىڭ قۇنى جوعارى بولسا، سالىناتىن سالىقتىڭ قۇنى سوعۇرلىم جوعارى بولادى. مىسالى، ءبىز وسى 10 نىساننىڭ بارلىعىن قوسساق، وندا 100 ملن تەڭگە بولادى. تيىسىنشە، سالىق تا جوعارى بولماق. ەندى 10 پاتەر ءۇشىن جىلىنا سالىناتىن سالىق 100 مىڭ تەڭگە ەمەس، 400 مىڭ تەڭگەگە جۋىق، ياعني سالىق 4 ەسە ارتادى. نەگىزىنەن بۇل – ادىلەتتى»، – دەدى مينيستر ۇكىمەتتىڭ باسپا ءسوز ورتالىعىندا.
مينيستر الىبەك قۋانتىروۆ قىمبات الكوگولگە دە قوسىمشا سالىق سالىنۋى مۇمكىن ەكەنىن اتاپ ءوتتى. مىسالى، 10 جىل ساقتالعان Macallan (ۆيسكي) 7 ملن تەڭگە تۇرادى. ونىڭ اكسيزى – 700 تەڭگە. ونى ءبىز 10 ەسە ارتتىرىپ، قۇنىن شامامەن 10%-عا كوبەيتەمىز، – دەدى مينيستر.
