Bas prokýrordyń orynbasary Áset Shyndaliev Talǵarda bir top buzaqynyń qolynan qaza tapqan Sherzat Bolattyń isine qatysty sot otyrysy qashan ótetinin aitty, dep habarlaidy Dalanews.kz.
Shyndalievtiń sózinshe, tergeý aiaqtalyp, is materialdary prokýrorǵa tapsyrylǵan.
"Sottyń qashan bastalatyny aldaǵy 10 kún ishinde sheshiledi. Eger is kúrdeli bolyp, birneshe epizodtan tursa, prokýrordyń sheshim qabyldaýyna bir aiǵa deiin ýaqyt berilýi múmkin," – dedi Shyndaliev.
Aita keteiik, buǵan deiin Sherzat Bolatty óltirý isi boiynsha qylmysty tergeý aiaqtalǵany týraly habarlaǵan edik.
Taraptar qylmystyq is materialdarymen tolyq tanysty, is sotqa jiberý úshin prokýrorǵa joldandy.
Tergeý barysynda 40 sot saraptamasy júrgizildi, shamamen 200 kýágerden jaýap alyndy, barlyq kúdiktilerdiń oqiǵa ornynda aitqan jaýaptary tekserildi, protsess qatysýshylary arasynda bettestirýler ótkizildi, sondai-aq qylmystyń barlyq mán-jaiyn anyqtaýǵa baǵyttalǵan ózge de tergeý áreketteri júzege asyryldy.
Qylmysqa qatysýshylardyń barlyǵyna quqyqtyq baǵa bere otyryp, 8 beinematerial zertteldi.
Qylmystyq is 62 tomnan turady, onyń ishinde barlyq jinalǵan dáleldemeler, saraptama qorytyndylary, jaýap alý hattamalary jáne basqa da mańyzdy materialdar bar.
Árbir tergeý áreketi qylmystyq zańnama talaptaryna sáikes júrgizildi, tergeýdiń barlyq kezeńderinde zańdylyq, ashyqtyq jáne obektivtilik qamtamasyz etildi.
Tergeýdiń barysy jáne protsess qatysýshylarynyń konstitýtsiialyq quqyqtarynyń saqtalýy prokýratýra organdarynyń baqylaýynda boldy.
Eske salaiyq, 2024 jyly 4 qazanda Talǵarda 16 jastaǵy jasóspirim Sherzat Bolat qaza tapty. Araǵa biraz ýaqyt salyp Sherzattyń aǵvsy Nurqanat Ǵaiypbaev ta óli tabyldy.
