1 qyrkúiekte Almatydaǵy barlyq mekteptiń mańynda 700-ge jýyq politsei men 130 patrýldik ekipaj kezekshilik etedi. Kólik kóp júretin qiylystarda qarbalas ýaqytta qozǵalys qolmen retteledi, dep habarlaidy dalanews.kz.
Almaty Politsiia departamenti málimetinshe, jeke quram kúsheitilgen qyzmet rejimine kóshedi. Qaladaǵy ár mekteptiń mańyna politsiia qyzmetkerleri qoiylady. Negizgi qiylystar men baǵdarshamdarda inspektorlar saǵat 7:30-dan 9:00-ge deiin jáne 17:30-dan 19:30-ǵa deiin kólik qozǵalysyn qolmen retteidi.
Sondai-aq, jol qozǵalysy erejeleri saqtalýyna, sonyń ishinde mektep mańynda kólik toqtatý men turaqqa qoiý tártibine, jaiaý júrginshilerge jol berýge erekshe nazar aýdarylady. Jyldamdyq rejimi beinebaqylaý kameralary men jol belgileri arqyly baqylanady.
Qarbalas ýaqytta balalar joldan qaýipsiz ótýin qamtamasyz etý úshin patrýldik jáne iývenaldy politsiia qyzmetkerleri jumyldyrylady.
