Qostanaidaǵy kolledjderdiń birinde 1 qyrkúiekke arnalǵan saltanatty jiynda reseilik ánshiniń «Matýshka» kompozitsiiasy shyrqalyp, áleýmettik jelide qyzý talqyǵa tústi, dep habarlaidy dalanews.kz.
Áleýmettik jelide taraǵan video Qostanai áleýmettik-tehnikalyq kolledjinde túsirilgeni aitylyp jatyr. Kadrlarda stýdentter jańa oqý jylynyń bastalýyna arnalǵan jiynda turǵan kezde kolonkalardan reseilik ánshi Tatiana Kýrtýkova oryndaǵan «Matýshka» áni estilgen.
Ánniń mátininde Resei men «Qasietti Rýs» týraly joldar bar. Osyǵan bailanysty beinejazba qazaqstandyq áleýmettik jeli qoldanýshylarynyń nazaryn aýdardy.
Jeli qoldanýshylarynyń bir bóligi oqý ornyndaǵy 1 qyrkúiek siiaqty resmi sharada mundai ánniń qoiylýyn synǵa aldy. Keibiri kolledj basshylyǵyna túsinikteme berýdi talap etti.
Sonymen birge áleýmettik jelide ánniń tek tanymal kompozitsiia retinde tańdalǵanyn aityp, oǵan saiasi mán bermeýge shaqyrǵan pikirler de boldy.
Ulysmedia.kz málimetinshe, ándi kolledj stýdentteriniń biri oryndaýy múmkin. Alaida sharada ánniń qandai negizde tańdalǵany jáne oqý orny basshylyǵy bul jaǵdaiǵa qandai túsinikteme beretini ázirge naqtylanbaǵan.
Redaktsiia oqiǵaǵa qatysty kolledj ákimshiligine resmi saýaldama jiberdi.
