UQK Shekara qyzmeti tamyzda quzyrly organdarmen birlesip, memlekettik shekarada zań buzǵan 5 588 adamdy ustady. Olardyń 4 907-si - shetel azamattary, dep habarlaidy dalanews.kz.
Sondai-aq, taýarlar men júkterdi zańsyz ótkizýdiń 2 089 áreketiniń joly kesildi. Onyń ishinde 30-y esirtkige, 68-y qarý men oq-dárige, 1 061-i janar-jaǵarmai materialdaryna, 751-i halyq tutynatyn taýarlarǵa jáne 179-y shetel valiýtasyna qatysty.
Kaspii teńizinde brakonerliktiń 61 deregi toqtatylyp, aldyn alynǵan shyǵyn 561 mln teńgeden asqan.
Shekara qyzmeti 63 qylmystyq is qozǵaǵan. Budan bólek, 4 886 ákimshilik is boiynsha 40 mln teńgeden asa aiyppul salyndy.
