Almatyda 1 qazannan bastap elektr energiiasynyń shekti baǵasy ósetini belgili boldy. Bul jóninde "Alataý jaryq kompaniiasy" AQ – "Energosbyt" málimdedi, dep habarlaidy Dalanews.kz.
Jańa shekti baǵa qosylǵan qun salyǵynsyz (QQS) – 34,31 teńge/kVtsaǵ, QQS-pen – 38,43 teńge/kVtsaǵ mólsherinde bekitilmek. Qazirgi baǵa – 31,85 teńge.
Tutynýshylar sanaty boiynsha tarifter (QQS-syz):
turmystyq tutynýshylar – 30,26 teńge (1 qyrkúiekten bastap kúshine endi);
turmystyq emes tutynýshylar – 36,70 teńge (1 qazannan bastap engiziledi);
memlekettik biýdjetten qarjylandyrylatyn zańdy tulǵalar – 35,08 teńge (1 qazannan bastap engiziledi);
áleýmettik mańyzy bar kásiporyndar – 31,85 teńge (ózgerissiz qalady).
Jeke tulǵalar men turmystyq maqsatta jaryq tutynatyndar úshin saralanǵan tarifter tómendetildi:
1-deńgei – 27,46 teńge/kVtsaǵ (QQS-syz);
2-deńgei – 36,29 teńge;
3-deńgei – 45,37 teńge.
Buǵan deiin "Alataý jaryq kompaniiasy" – "Energosbyt" filialy elektr energiiasynyń baǵasyn 38,01 teńge/kVtsaǵ deńgeiinde belgileýdi usynǵan edi. Alaida QREM ókilderi bul ósim turmystyq tutynýshylarǵa áser etpeidi dep sendirgen.
Kompaniia tariftiń kóterilýin birneshe sebeppen túsindirdi:
– 25 shildede bekitilgen óńirlik jeliler boiynsha elektr qýatyn jetkizý tarifiniń 12,96 teńgeden 14,25 teńgege qymbattaýy;
– qazan aiynan bastap 13,99 teńge kóleminde ótemdik tariftiń engizilýi;
– sáýir aiynda "Qazaqstan temir joly" jelileri arqyly elektr jetkizý qunynyń 3,66 teńgeden 5,41 teńgege ósýi.
