2025 jylǵy 1 qańtardan bastap memlekettik járdemaqylar men bazalyq zeinetaqy tólemderiniń barlyq túriniń mólsheri QR Ulttyq Banki aiqyndaityn infliatsiianyń boljamdy deńgeiine sáikes 6,5 paiyzǵa, yntymaqty zeinetaqy 8,5 paiyzǵa, iaǵni infliatsiia deńgeiinen 2 paiyzǵa oza otyryp ulǵaityldy, - dep habarlaidy Dalanews.kz Eńbek jáne halyqty áleýmettik qorǵaý ministrligine siltep.
Budan basqa Memleket basshysynyń tapsyrmasy boiynsha 2023 jyldan bastap bes jyl ishinde eń tómen bazalyq zeinetaqyny eń tómen kúnkóris deńgeiiniń 70%-na deiin, eń joǵary – 120%-ǵa deiin jyl saiyn kezeń-kezeńimen arttyrý júzege asyrylady.
2025 jylǵy 1 qańtardan bastap bazalyq zeinetaqynyń eń tómen mólsheri eń tómen kúnkóris deńgeiiniń 65%-nan 70%-ǵa deiin ulǵaityldy, bul 32 360 teńge, onyń eń joǵary mólsheri eń tómen kúnkóris deńgeiinen 105-ten 110%-ǵa deiin arttyrylyp, 50 851 teńgege jetti.
2019 jyly zeinetkerlikke shyqqan 69 jastaǵy zeinetkerdiń 2024 jyly biýdjetten tólenetin zeinetaqy mólsheri 156 856 teńge qurady, onyń ishinde bazalyq zeinetaqy tólemi – 45 578 teńge, yntymaqty zeinetaqy – 111 278 teńge. 2025 jylǵy 1 qańtardan bastap ósimdi eskere otyryp, osy zeinetker úshin zeinetaqynyń jalpy somasy 171 588 teńgege deiin ulǵaidy, onyń ishinde bazalyq zeinetaqy – 50 851 teńge, yntymaqty zeinetaqy – 120 737 teńge. Atalǵan somalarǵa BJZQ-daǵy tólemder kirmeitinin atap ótý mańyzdy.
2025 jylǵy 1 qańtardan bastap memlekettik járdemaqylardyń ulǵaiýynyń birneshe úlgisi:
- 1, 2, 3 bala týǵanda beriletin járdemaqy 140 296 teńgeden 149 416 teńgege deiin, 4 jáne odan da kóp bala týǵanda beriletin járdemaqy – 232 596 teńgeden 247 716 teńgege deiin ulǵaidy;
- mólsheri balalar sanyna bailanysty beriletin kópbalaly otbasylarǵa arnalǵan járdemaqy 4 balasy bar otbasylar úshin 59 183 teńgeden 63 030 teńgege deiin, 10 balasy bar otbasylar úshin – 147 680 teńgeden 157 280 teńgege deiin artty;
- I top múgedektigi bar adamdarǵa arnalǵan járdemaqy 95 496 teńgeden 101 702 teńgege deiin, II top – 76 397 teńgeden 81 362 teńgege deiin, III top – 52 089 teńgeden 55 474 teńgege deiin ósti.
Sondai-aq, Memlekettik áleýmettik saqtandyrý qorynan asyraýshysynan aiyrylý jáne eńbekke qabilettiliginen aiyrylý boiynsha tólemder mólsheri 6,5 %-ǵa artty. Atalǵan tólemder mindetti áleýmettik saqtandyrý júiesine qatysýshylarǵa biýdjetten beriletin memlekettik járdemaqylarǵa qosymsha júzege asyrylady.
Tólemderdiń mólsheri jeke sanattarǵa jáne kelesilerge bailanysty bolady: sońǵy 2 jylda MÁSQ-ǵa áleýmettik aýdarymdar júrgizilgen ortasha ailyq tabys, eńbekke qabilettiliginen aiyrylý koeffitsientteri, asyraýyndaǵy adamdar sany, mindetti áleýmettik saqtandyrý júiesine qatysý ótili jáne tabysty almastyrý.
