Astana qalasynyń Mádeniet basqarmasyn basqarǵan Bolat Majaǵulovqa qatysty sot bastaldy, dep habarlaidy Dalanews.kz.
Aita keteiik, Bolat Majaǵulov pen merdigerler sýburqaq qurylysy kezinde 1 mlrd teńge jymqyrdy degen kúdikke ilingen bolatyn.
Bolat Majaǵulov pen merdigerlerge qatysty is Astanadaǵy qylmystyq ister jónindegi aýdanaralyq sotta qaralyp jatyr.
Majaǵulovqa Qylmystyq kodekstiń 189-babynyń 4-bólimi, 2-tarmaǵy boiynsha «Senip tapsyrylǵan bóten múlikti iemdený nemese ysyrap etý, iaǵni asa iri mólsherde urlaý» aiyby taǵyldy. Onymen birge aiyptalýshylar qatarynda – aqsha jymqyrý kezinde kómektesti dep aiyptalyp otyrǵan Mádi Qanapin de bar. Ol birneshe kompaniianyń basshysy retinde kórsetilgen.
Majagulovtyń qorǵaýshysy qamaýǵa alý bultartpaý sharasyn elden shyǵýǵa tyiym salýǵa nemese úiqamaqqa aýystyrýdy suraǵan. Alaida prokýror men basqa aiyptalýshynyń advokaty bul ótinishti qanaǵattandyrýdan bas tartýdy surady, sebebi «Majagulov Bolatqa aýyr aiyp taǵylǵan, al Qanapinge qylmys jasaýǵa kómektesti degen aiyp taǵyldy, budan bólek, tergeý barysynda Majagulov qashyp ketýge tyrysqan, kózbe-kóz bettestirýge kelmegen, shetelge shyǵyp ketý úshin biletter alyp qoiǵan".
Majagulov ta, Qanapin de aiyptaý aktisi jariialanǵannan keiin óz kinálaryn moiyndaǵan joq.
Eske salaiyq,eks-sheneýnik Bolat Majaǵulovtyń ustalǵany týraly Qarjylyq monitoring agenttigi málim etti. Astana qalasynyń "Mádeniet basqarmasy" MM-niń burynǵy basshysy men merdiger uiym ókilderine qatysty asa iri kólemde biýdjet qarajatyn jymqyrý faktisi boiynsha Qarjylyq monitoring agenttigi sotqa deiingi tergeý amaldaryn júrgizdi.
2016 jyly Astana kúni merekesine orai salynǵan "Kún" ("Esil ózenindegi jaryq-illiýminatsiialyq jáne ot shoýy") sýbyrqaǵynyń qurylysy kezinde memlekettik satyp alý rásimderi júrgizilmei tikelei kelisimsharttar jasalǵan. Sýburqaq jobalyq qujattamasyz jáne memlekettik saraptamadan ótpei salynǵan.
Qurylys barysynda tehnikalyq sipattamalarǵa sáikes kelmeitin sapasyz materialdar qoldanylǵan. Nátijesinde atalǵan nysan 2017 jyldan bastap jumys istemei, qazirgi tańda apatty jaǵdaida tur.
Urlanǵan qarajattyń kólemi 1 mlrd teńgeden asyp otyr.
Kúdikti, Astana qalasynyń "Mádeniet basqarmasy" MM-niń burynǵy basshysy Bolat Majaǵulov ustalyp, ýaqytsha ustaý izoliatoryna qamaldy. Tergeý aiasynda onyń múlkine tyiym salyndy. Onyń ishinde 3 kommertsiialyq nysan, 2 avtoturaq orny jáne Astana qalasyndaǵy premiým sanattaǵy páter.
Atalǵan is boiynsha kúdiktilerdiń múlkine jalpy somasy 572 million teńgeden astam somaǵa shekteý qoiyldy. QR QPK 201-babyna sáikes, sotqa deiingi tergep-tekserý derekteri jariia etýge jatpaidy.
