Jasandy intellekt jáne tsifrlyq damý ministrligi BAQ-ta tarap jatqan aqparatty túsindirdi, dep habarlaidy Dalanews.kz.
Ministrliktiń resmi aqparatyna súiensek, áleýmettik jeli men birqatar BAQ-ta jasandy intellekt jáne tsifrlyq damý vitse-ministri Dmitrii Mýnnyń tehnologiialardyń eńbek naryǵyna áseri týraly aitqan sózi burmalanyp berilgen.
"Kei basylymdardyń taqyryptarynda "JI saldarynan 1 million qazaqstandyq jumyssyz qalýy múmkin" degen málimdeme paida boldy. Bul aqparat shyndyqqa janaspaidy jáne aitylǵan sózderdiń mánin burmalaidy", - dep jazylǵan habarlamada.
Vedomstvo dereginshe, vitse-ministr óz sózinde álemdegi búkil memleketterge qatysy bar eńbek naryǵynyń avtomattandyrylýy týraly sóz sóilegen. Onyń aitýynsha, Qazaqstanda ózge elderdegidei birqatar mamandyq tehnologiia yqpalymen ózgerýi múmkin, bul joiylady degen sóz emes.
