Астана қаласы Полиция департаменті туристік полиция қызметкерлерінің жұмыстан босатылуына қатысты пікір білдірді, деп хабарлайды dalanews.kz.
Ведомство мәліметінше, туристік полиция қызметкерлері қызметтік міндетін атқару барысында әдеп нормалары мен полиция қызметкерінің мінез-құлқына қойылатын талаптарды бұзған.
"Қызметтік міндетін атқару кезінде және арнайы формада мұндай әрекетке жол беру орынсыз. Полиция қызметкері кез келген жағдайда кәсіби арақашықтықты сақтап, белгіленген мәдениетті ұстануға міндетті", - деп жазылған хабарламада.
Қызметтік тексеріс қорытындысы бойынша екі қызметкер де ішкі істер органдарынан жұмыстан шығарылған.
