Заңсыз кортеж полиция назарына ілікті: Қызылордада 8 жүргізуші ұсталды

Заңсыз кортеж полиция назарына ілікті: Қызылордада 8 жүргізуші ұсталды
видео кадры

Қызылордада заңсыз кортеж ұйымдастырған 8 жүргізуші жауапқа тартылды, деп хабарлайды dalanews.kz.

Полиция қызметкерлері әлеуметтік желіге мониторинг жүргізу барысында жол қозғалысы ережелерін бұзу дерегін анықтады. Таралған бейнежазбаны зерделеу нәтижесінде заңсыз кортежге қатысқан 8 жүргізуші нақтыланды.

Тексеріс барысында жүргізушілер жолда қауіпті маневрлер жасап, өзге де жол қозғалысына қатысушыларға қауіп төндіргені белгілі болды.

Олардың барлығы - Қызылорда қаласының 20-25 жас аралығындағы тұрғындары. Оларға маневр жасау қағидаларын бұзу, жол апаты жағдайын туғызу және жол қозғалысы талаптарын сақтамау деректері бойынша әкімшілік шаралар қолданылды.

Сонымен қатар, сот шешімімен 3 адамға ұсақ бұзақылық жасағаны үшін әкімшілік айыппұл салынды.