Дәрігерлер мен ресми қызметкерлердің хабарлауынша, соңғы жылдары екпеден бас тартатын азаматтар саны артқан. Ресми деректерге сәйкес, бұрын шамамен 5 мың адам вакцина салдырудан бас тартса, 2025 жылы бұл көрсеткіш 20 мыңға жуықтады. Бұл туралы Dalanews.kz. 31 арнаға сілтеме жасап хабарлайды.

Ерікті брондау мен вакцинадан бас тартудың өсуі нәтижесінде, елде көкжөтел, қызылша, скарлатина сияқты инфекциялық аурулар жиілегені байқалған. Мамандар аурулардың көп бөлігі алдын-алуға болатынын, бірақ вакцинаға қарсы «антиваксер» көзқарасы індеттердің таралуына ықпал етіп жатқанын ескертеді.

Денсаулық сақтау министрлігі деректері бойынша, балаларға вакцина салдырудан бас тартатын ата-аналар саны жыл сайын өсіп келеді. 2017 жылы бұл көрсеткіш 5 мыңнан асса, ал қазір шамамен 20 мыңға жеткен. Министрлік мұндай үрдіс тек Қазақстанда емес — әлем бойынша да байқалып жатқанын айтады.

Санитариялық-эпидемиологиялық бақылау комитеті басқарма басшысы Нұршай Әзімбаева қазіргі жағдайды былай түсіндіреді:

«Адамдар инфекциядан қорқуды қойды. Бұрынғы буын біздің ата-аналарымыз бұл аурулардың нақты зардабын көрді. Мысалы, полиомиелиттен кейін балалар мүгедек болып қалатын. Қызылшаның ауыр салдарын да көзбен көрді. Сол себепті олар инфекциядан қорықты. Ал қазір мұндай жаппай ауру мен өлім-жітім жоқ. Сондықтан адамдар инфекцияның өзінен емес, вакциналардан және олардың салдарынан қорқады. Шын мәнінде, вакциналар қауіпсіз».

Медициналық практика мен ғалымдар пікірі бойынша екпе тиімділігі мен қауіпсіздігі дәлелденген. Вакцинацияны салдыру арқылы көптеген аурулардан сақтануға, қауіпті індеттердің таралуын тоқтатуға болады, дейді мамандар.