Dárigerler men resmi qyzmetkerlerdiń habarlaýynsha, sońǵy jyldary ekpeden bas tartatyn azamattar sany artqan. Resmi derekterge sáikes, buryn shamamen 5 myń adam vaktsina saldyrýdan bas tartsa, 2025 jyly bul kórsetkish 20 myńǵa jýyqtady. Bul týraly Dalanews.kz. 31 arnaǵa silteme jasap habarlaidy.
Erikti brondaý men vaktsinadan bas tartýdyń ósýi nátijesinde, elde kókjótel, qyzylsha, skarlatina siiaqty infektsiialyq aýrýlar jiilegeni baiqalǵan. Mamandar aýrýlardyń kóp bóligi aldyn-alýǵa bolatynyn, biraq vaktsinaǵa qarsy «antivakser» kózqarasy indetterdiń taralýyna yqpal etip jatqanyn eskertedi.
Densaýlyq saqtaý ministrligi derekteri boiynsha, balalarǵa vaktsina saldyrýdan bas tartatyn ata-analar sany jyl saiyn ósip keledi. 2017 jyly bul kórsetkish 5 myńnan assa, al qazir shamamen 20 myńǵa jetken. Ministrlik mundai úrdis tek Qazaqstanda emes — álem boiynsha da baiqalyp jatqanyn aitady.
Sanitariialyq-epidemiologiialyq baqylaý komiteti basqarma basshysy Nurshai Ázimbaeva qazirgi jaǵdaidy bylai túsindiredi:
«Adamdar infektsiiadan qorqýdy qoidy. Burynǵy býyn bizdiń ata-analarymyz bul aýrýlardyń naqty zardabyn kórdi. Mysaly, poliomielitten keiin balalar múgedek bolyp qalatyn. Qyzylshanyń aýyr saldaryn da kózben kórdi. Sol sebepti olar infektsiiadan qoryqty. Al qazir mundai jappai aýrý men ólim-jitim joq. Sondyqtan adamdar infektsiianyń ózinen emes, vaktsinalardan jáne olardyń saldarynan qorqady. Shyn máninde, vaktsinalar qaýipsiz».
Meditsinalyq praktika men ǵalymdar pikiri boiynsha ekpe tiimdiligi men qaýipsizdigi dáleldengen. Vaktsinatsiiany saldyrý arqyly kóptegen aýrýlardan saqtanýǵa, qaýipti indetterdiń taralýyn toqtatýǵa bolady, deidi mamandar.
