АҚШ президенті Дональд Трамп 2025 жылы әкімшіліктің тарифтік саясаты салдарынан қор нарығы құлдыраған кезеңде ірі технологиялық компаниялардың акцияларын белсенді түрде сатып алған, деп хабарлайды dalanews.kz CNBC телеарнасына сілтеме жасап.
Телеарнаның мәліметінше, Ақ үй басшысы орта есеппен күніне шамамен 62 акция сатып алу мәмілесін жасаған. Ал 2025 жылғы 8 сәуірде бұл көрсеткіш бір күнде 327 мәмілеге дейін жеткен.
Белсенді сатып алулар АҚШ-тың жоғары импорттық баж салығын енгізу жоспары жарияланғаннан кейін төрт күн қатарынан төмендеген нарықтың соңғы кезеңіне сәйкес келген. Осы уақытта Трамп Apple, Alphabet, Amazon, Microsoft және Nvidia сияқты ірі технологиялық компаниялардың акцияларын сатып алған.
2025 жылдың сәуірінде Трамп баж салығының енгізілуіне байланысты акция бағалары арзандаған тұста инвесторларды құнды қағаздарды жаппай сатып алуға шақырған еді. Осы жазбадан кейін оның Trump Media & Technology Group компаниясының акциялары өсе бастаған. Бұған дейін жаңа импорттық тарифтердің енгізілуі аясында компания акцияларының құны 8%-ға төмендеген болатын.
Бұған дейін 2026 жылдың маусымы Microsoft акциялары үшін соңғы 25 жылдағы ең нашар ай болғаны хабарланған.
