AQSh prezidenti Donald Tramp 2025 jyly ákimshiliktiń tariftik saiasaty saldarynan qor naryǵy quldyraǵan kezeńde iri tehnologiialyq kompaniialardyń aktsiialaryn belsendi túrde satyp alǵan, dep habarlaidy dalanews.kz CNBC telearnasyna silteme jasap.
Telearnanyń málimetinshe, Aq úi basshysy orta eseppen kúnine shamamen 62 aktsiia satyp alý mámilesin jasaǵan. Al 2025 jylǵy 8 sáýirde bul kórsetkish bir kúnde 327 mámilege deiin jetken.
Belsendi satyp alýlar AQSh-tyń joǵary importtyq baj salyǵyn engizý jospary jariialanǵannan keiin tórt kún qatarynan tómendegen naryqtyń sońǵy kezeńine sáikes kelgen. Osy ýaqytta Tramp Apple, Alphabet, Amazon, Microsoft jáne Nvidia siiaqty iri tehnologiialyq kompaniialardyń aktsiialaryn satyp alǵan.
2025 jyldyń sáýirinde Tramp baj salyǵynyń engizilýine bailanysty aktsiia baǵalary arzandaǵan tusta investorlardy qundy qaǵazdardy jappai satyp alýǵa shaqyrǵan edi. Osy jazbadan keiin onyń Trump Media & Technology Group kompaniiasynyń aktsiialary óse bastaǵan. Buǵan deiin jańa importtyq tarifterdiń engizilýi aiasynda kompaniia aktsiialarynyń quny 8%-ǵa tómendegen bolatyn.
Buǵan deiin 2026 jyldyń maýsymy Microsoft aktsiialary úshin sońǵy 25 jyldaǵy eń nashar ai bolǵany habarlanǵan.
