Президент Қасым-Жомарт Тоқаев келесі айда мемлекеттік сапармен Ресейге барады, деп хабарлайды Dalanews.kz.
Мемлекет басшысы 12 қарашада Ресейге мемлекеттік сапармен баруды жоспарлап отыр. Бұл туралы Қазақстанның Ресейдегі елшілігі мәлімдеді.
Дипломатиялық өкілдіктің мәліметінше, 22 қазанда Қазақстан мен Ресей арасындағы дипломатиялық қатынас орнағанына 33 жыл толады, осы уақыт ішінде екі елдің байланысы саяси әріптестік пен одақтастық рухында дамып келеді.
Еске салайық, бұған дейін Тоқаев Путинмен телефон арқылы сөйлесті. Әңгіме барысында Президент Қасым-Жомарт Тоқаевтың алдағы қараша айында Ресей Федерациясына жасайтын мемлекеттік сапарына дайындықтың кейбір аспектілері қарастырылды.
