Тайландтан халық тұтынатын тауар түрінде пошта сәлемдемелері арқылы аса ірі мөлшерде есірткі жеткізу дерегі анықталды. Қаржылық мониторинг агенттігі "Әуежай-Астана" кеден бекеті мен "DHL" курьерлік компаниясының қызметкерлерімен бірлесіп бұл қылмыстың алдын алды, - деп хабарлайды Dalanews.kz.
ҚМА Астана қаласы бойынша департаментінің қызметкерлері қызметтік ит көмегімен "DHL" уақытша сақтау қоймасын тексеру кезінде кедендік бақылау аймағында халықаралық почта жөнелтімдерінен 3 қорап табылды, олардың ішінде жалпы салмағы 3,5 келі каннабис сығындысы (гашиш майы) табылды.
"Жедел тергеу іс-шаралары барысында төрт күдікті анықталды, олардың тұрғылықты жері бойынша тінту жүргізілді, онда салмағы 787 грамм марихуана және есірткі заттарын өлшеп-орау үшін қажет басқа да заттар тәркіленді", - деп жазылған хабарламада.
Бұл дерек бойынша соталды тергеу жүргізіліп жатыр. 4 күдіктіге қатысты қамауда ұстау түріндегі бұлтартпау шарасы санкцияланды.
Агенттік ҚР ҚПК 201-бабының талаптарына сәйкес өзге де мәліметтерді жария етпеді.
