Tailandtan halyq tutynatyn taýar túrinde poshta sálemdemeleri arqyly asa iri mólsherde esirtki jetkizý deregi anyqtaldy. Qarjylyq monitoring agenttigi "Áýejai-Astana" keden beketi men "DHL" kýrerlik kompaniiasynyń qyzmetkerlerimen birlesip bul qylmystyń aldyn aldy, - dep habarlaidy Dalanews.kz.
QMA Astana qalasy boiynsha departamentiniń qyzmetkerleri qyzmettik it kómegimen "DHL" ýaqytsha saqtaý qoimasyn tekserý kezinde kedendik baqylaý aimaǵynda halyqaralyq pochta jóneltimderinen 3 qorap tabyldy, olardyń ishinde jalpy salmaǵy 3,5 keli kannabis syǵyndysy (gashish maiy) tabyldy.
"Jedel tergeý is-sharalary barysynda tórt kúdikti anyqtaldy, olardyń turǵylyqty jeri boiynsha tintý júrgizildi, onda salmaǵy 787 gramm marihýana jáne esirtki zattaryn ólshep-oraý úshin qajet basqa da zattar tárkilendi", - dep jazylǵan habarlamada.
Bul derek boiynsha sotaldy tergeý júrgizilip jatyr. 4 kúdiktige qatysty qamaýda ustaý túrindegi bultartpaý sharasy sanktsiialandy.
Agenttik QR QPK 201-babynyń talaptaryna sáikes ózge de málimetterdi jariia etpedi.
