Жамбыл облысында 5 миллион теңге бопсалаған қоғам белсендісі ұсталды, деп хабарлайды Dalanews.kz.
Тараз қаласының тұрғыны өзін бопсалап жүрген адамға байланысты арызданған. Өтініш иесінің айтуынша, күдікті оның ар-намысына, қадір-қасиетіне және іскерлік беделіне нұқсан келтіретін мәліметті әлеуметтік желілерде таратамын деп қорқытып, оны жарияламау үшін 5 миллион теңге талап еткен.
Бұл дерек бойынша соталды тергеп-тексеру басталды.
"Жедел іс-шаралар нәтижесінде күдікті арызданушыға қысым көрсетуді тоқтату және бұған дейін әлеуметтік желілерде жарияланған жағымсыз пікірді өшіру үшін алынған ақшаны беру кезінде ұсталды", - деді ІІМ өкілі.
