Әлеуметтік желіде танымал әнші Бейбіт Сейдуалиеваның ескі видеосы тарады, деп хабарлайды Dalanews.kz.
Желі қолданушылары оның теңдесіз даусына сүйсініп, "құдды америкалық әншінің өзі орындап жатқандай әсер алғанын" жеткізген. Сондай-ақ, қазір оның жиі көрінбей кетуінің себебін отбасылық өмірімен байланыстырған.
"Мынау әнші қыздың талантын күйеуі тұмшалап тастаған екен-ау... Обал-дағы-ай. Марқұм Уитни Хьюстонның өзін тыңдағандай болдым ғой... Тек ЖИ демеңдер. ЖИ дегенді ешкім естімеген кезде түсірілген видео екені көрініп тұр", - деп жазды желідегілердің бірі.
Айта кетейік, Бейбіт Сейдуалиева - белгілі эстрада әншісі, Қазақстанның еңбек сіңірген қайраткері, мемлекеттік "Дарын" сыйлығының иегері.
