Шығыс Қазақстан облысының Күршім ауылында 23 тамыз күні 31 жастағы әйел мен 36 жастағы ер адамның мәйіті табылды, деп хабарлайды dalanews.kz.
Полицияның алдын ала мәліметінше, әйел алған дене жарақаттарының салдарынан көз жұмған. ШҚО Полиция департаментінің хабарлауынша, жарақатты оған бірге тұрған ер адам салған. Оқиға кезінде күдікті мас күйде болған.
Тергеу деректеріне сәйкес, әйелге дене жарақатын келтіргеннен кейін ер адам өзіне қол жұмсаған.
Аталған факті бойынша қылмыстық істер қозғалды. Қазіргі уақытта полиция қайғылы оқиғаның барлық мән-жайын анықтап жатыр.
