Shyǵys Qazaqstan oblysynyń Kúrshim aýylynda 23 tamyz kúni 31 jastaǵy áiel men 36 jastaǵy er adamnyń máiiti tabyldy, dep habarlaidy dalanews.kz.
Politsiianyń aldyn ala málimetinshe, áiel alǵan dene jaraqattarynyń saldarynan kóz jumǵan. ShQO Politsiia departamentiniń habarlaýynsha, jaraqatty oǵan birge turǵan er adam salǵan. Oqiǵa kezinde kúdikti mas kúide bolǵan.
Tergeý derekterine sáikes, áielge dene jaraqatyn keltirgennen keiin er adam ózine qol jumsaǵan.
Atalǵan fakti boiynsha qylmystyq ister qozǵaldy. Qazirgi ýaqytta politsiia qaiǵyly oqiǵanyń barlyq mán-jaiyn anyqtap jatyr.
