Шымкентте көшеде баланы ұрған адам ұсталды, деп хабарлайды Dalanews.kz.
Әлеуметтік желіде тараған видеоға байланысты қылмыстық іс қозғалды.
"Видеодағы адамдар көрші тұратын 10-сынып және 5-сынып оқушылары екені анықталды. Оқиғаға қатысушылар ата-аналарымен бірге полицияға жеткізілді. Тексеріс барысында оқиғаға дейін кәмелетке толмағандар арасында жанжал шыққаны белгілі болды. Осыдан кейін 10-сынып оқушысы оны көшеде кездестіріп, күш қолданған", - деп жазылған хабарламада.
Кәмелетке толмаған оқушының ата-анасы баланы тәрбиелеу жөніндегі міндетін тиісінше орындамағаны үшін жауапкершілікке тартылды. Материалдар кәмелетке толмағандар істері жөніндегі комиссияға жолданды.
