Сәтбаевта терроризмдi насихаттау ісі бойынша сот үкімі шықты, деп хабарлайды Dalanews.kz.
Мән-жайы
Сәтбаев қалалық сотында терроризмді насихаттаған жергілікті тұрғынға қатысты қылмыстық іс қаралды (ҚР ҚК-нің 256-бабы 1-бөлігі). Сотта сотталушы ауызша уағыздар айтып, бұрмаланған діни мәтіндерді мысалға келтіріп, қала тұрғындарының санасына әсер етіп, оларды радикалды идеологияға бейімдеуге тырысқаны анықталған.
Сот барлық мән-жайды ескере отырып, сотталушыны кінәлі деп танып, оған 5 жылға бас бостандығынан айыру жазасын тағайындады. Үкім заңды күшіне енді.
Бұған дейінгі жағдай
Еске салайық, бұған дейін 7 қазақстандық террористік қылмыс жасағаны үшін сотталғаны хабарланды.
Соның ішінде Алматы, Жамбыл, Батыс Қазақстан облыстарының, Алматы және Астана қалаларының соттары 5 адамды терроризмді насихаттап, шетелдегі соғыс қимылдарына шығуға әрекеттенгені үшін 4 жылдан 8 жылға дейін бас бостандығынан айыру жазасына кесті.
